ودي أصيرك يوم واعــــــــرف خفاياك
ودي افتش عمق../..عمقك لحالي
ودي اقلـــّب في دفاتــــــــــــر سجاياك
ودي اعيشك وانت حلــــــــم ٍ خيالي
دامي عرفت ادناك محتـــاج لقصاك
محتاج اذوقك مر.. لوكنت حـــــالي
احس انا ( لولاي) تحتاج ( لولاك)
خلك تصير اول..وانا اصير تالي !
محتاج اشوف اسرار هذا..وهذاك
سحر الجنوب..وكل عمق الشمالي
خليني اغرق فيك بالحيل والقاك
لاصرت انا المجنون جرّب هبالي !
ودي اعيش بوسط لجة خطاياك
مليت من تمثيـــــــــــل دور المثالي !!
احمد الناصر الأحمد
ليست هناك تعليقات:
إرسال تعليق